29 September 2008

Widgets

Kabayani... Makalolouy...



Sa matag uli nako sa pinas, dili gayud kalikayan nga mag mahimamat kong Kabayani nga malas sa pag panimpalad... Dili man pud sa ingon nga suwerte na jud ko sa tanan, pero sa airport daghan ko mahinabi nga wla gyud tawon sila swerte sa pag pang langyaw.



Usa ani ang kinabuhi sa usa ka Domestic Helper....



Sa pag uli nako para mag bakasyon sa pinas., may nakasakay ko sa eroplano duha ka mga batan on pa nga mga babaye. Naa sa pangidaron sa early 20's pero nasayop ko kay ang usa sa ako nasayran 18 anyos pa lang ang edad, taga south cotabato.



Sa akong pag pakig hinabi kanila... Nag apply sila sa usa ka agency sa manila para mag trabaho sa saudi arabia isip usa ka domesitc helper. Siguro sa kapit os sa panginabuhi sa pinas napugos kining mga bayhana.



Pero pagka dakong walay swerte kay sa pag panarbaho nila sa ilang tagsa tagsa ka mga amo sila ginadgmalan, maski gamay lang sayop sa balay, usa ka dakong laparo ang ilang matagamtaman., usahay sipa og og sambunot sa buhok... pag ka pait gayud pero wala silay mahimo kundili mo hilak na lamang sa kwarto.



Ang pinaka grabe sa tanan, ang usa ka babaye nga taga south cotabato gi rape sa iyang amo!.. dili lang ka usa!!!...makadaghan pa !!!...hangtod nga siya murag nawad an sa maayong pangisip!... Sakit palandungon ang ilang na dangatan. Ang ka maayo sa amo nga rapist!, iya ge surender sa bahay kalinga sa embassy sa pinas sa saudi ang babae... ang usa ka babaye mi layas sa iyang amo og mi dangop sa bahay kalinga.



Sa pag abot namo sa NAIA ako sila gi alalayan... nangutana ko kong may sundo sila, ang usa ka babaye mitubag naa man daw, iyang uyuan nya dal on sya sa cavite, ako gipangutana kung usa ka babaye may sundo, ang dakong problema wala, kay siya mismo wala kabalo sa iyang address, na wad an jud siya sa maayong pangisip... Ako sila gidala sa OWWA center! sa booth sa arrival area... tungod kay domingo man wala daw staff na mo guide sa ila sa OWWA, ambot kong unsa ka tinuod...( hinaut unta sa mga taga OWWA may 24hrs. service sila sa NAIA para sa mga displaced OFW).



Maayo nalang kay ang usa ka babaye wala niya gi bayaan ang iyang kauban na wla jud tawon sa maayong panghuna huna. maski sundo wala.... og ang OWWA wala....

Where you stay is half the adventure - RealAdventures
 

Concourse of an Overseas Filipino Worker Copyright © 2011 | Template design by O Pregador | Powered by Blogger Templates