31 August 2009

Widgets

Sa Bukid sa una!










Kay ako nag dako lagi sa Bukidnon. Maski nag antos sa ka pobrehon kay ang mga ginikanan mga pobre man intawon. Ang ako amahan usa ka ordinaryong empleyado sa Del Monte adtong panahona. Matawhay man gyapon ang pag puyo kay layo sa kagubot og puno sa kasadya.

Sa nag tungha pa ako sa Elementarya ngadto sa “high school” , kada buntag mag baklay lang padulong sa eskwelahan, sagubagon ang katugnaw og usahay ang “fog”(di ko kabalo unsay bisaya ani!). Kung mag ulan man, deritso nalang dayon mag hapa hapa sa plaza, pa anod anod sa bug-os nga tubig ulan og mag dula sa barko barko!

Kung mahapon human sa klase kay lagi mga bata pa man wala lain mabuhat kundi mag dula og taksi, tago-tago, luthang, jolen(shomuy), lastiko, Biko-biko, “ chinese garter” tumba lata og uban pa.

Sa una wala pa ang cellphone, PSP, Laptop, og mga uban pang gadgets. Murag 90’s pa ni abot ang computer games. Ako madumduman ang “super Mario brothers pa og ang breek games (tama ban a! murag nalimtan na jud bah!). Naa na telepono pero “analog” kanag biyo biyohon pa ang numero nya dako og bug-at.

Gani sa ang mga programa sa TV sa una mao nag “that’s Entertainment”, GMA Supershow, Julian Talisman, Flor De Luna, Mc Gyver, Knight Rider, mga king kony nga Batman and Robin, Spider Man, Wonder Woman, Hi- Man “ the master of the Universe.” Di pud makalimtan ang Drama mao nag “Helen Bela”, Coney Reyers on Camera, ang pinaka bibo nga “Eat Bulaga! Og uban pa

Ang pinaka sadya sa una adtong tunga tunga sa high school nako kay pag human sa klase kaming mga klasmyte mangadto sa merkado kay mag palit og Banana cue ( saging minantika-an). Dayon didto sa plaza atbang sa simbahan mag tapok kay mag binangkahay og storyang kataw-anan ang uban dala mga binut bot.

Pag kanindot balikon kadtong mga panahona. Pero ang tanan milabay na og igo nalamang sa pag handum sa mga nang labaynf panhon. Siguro ang akong mga kababata sa Bukibnon mao man pud ang ilang ma ingon kung ma hisgotan man ang mga panahon. Pag ka tam-is balikong ang simpleng kinabuhi sa inosenting pag ka bata.
Where you stay is half the adventure - RealAdventures
 

Concourse of an Overseas Filipino Worker Copyright © 2011 | Template design by O Pregador | Powered by Blogger Templates